शेंदुर्णी नगरपंचायत : महिला व मागासवर्गीय समाजातील प्रतिनिधींना मोठ्या संधी
शेंदुर्णी (प्रतिनिधी) : शेंदुर्णी नगरपंचायतच्या २०२५ मध्ये होणाऱ्या सार्वत्रिक निवडणुकीच्या पार्श्वभूमीवर प्रभागनिहाय आरक्षण सोडत बुधवार, ८ ऑक्टोबर रोजी नगरपरिषद सभागृहात पार पडली. या सोडतीमध्ये सामाजिक समावेश आणि महिला सक्षमीकरणावर भर देत विविध प्रभागांमध्ये आरक्षणाचे वितरण करण्यात आले. या आरक्षण प्रक्रियेमुळे आगामी निवडणुकीत महिला व मागासवर्गीय समाजातील प्रतिनिधींना मोठ्या प्रमाणावर संधी मिळणार आहे.
या आरक्षण सोडतीनुसार शेंदुर्णी नगरपंचायतीच्या एकूण १७ प्रभागांपैकी खुल्या प्रवर्गासाठी सर्वाधिक जागा राखीव ठेवण्यात आल्या आहेत, तसेच महिला उमेदवारांसाठी ८ पेक्षा अधिक प्रभागांमध्ये संधी उपलब्ध करून देण्यात आली आहे.
प्रभाग निहाय आरक्षण असे
- प्रभाग क्रमांक १, ३, ७, १६ आणि १७ – खुल्या प्रवर्गासाठी राखीव
- प्रभाग क्रमांक २ – अनुसूचित जाती प्रवर्गासाठी राखीव
- प्रभाग क्रमांक १५ – अनुसूचित जमाती (महिला) प्रवर्गासाठी निश्चित
- प्रभाग क्रमांक ४, ८, १० – (महिला) मागास प्रवर्गासाठी (ना.मा.प्र.)
- प्रभाग क्रमांक ११, १३ – महिला) मागास प्रवर्गासाठी (ना.मा.प्र.) राखीव
- प्रभाग क्रमांक ५, ६, ९, १२ आणि १४ – खुला (महिला) या प्रवर्गासाठी राखीव
ही संपूर्ण आरक्षण प्रक्रिया शेंदुर्णी नगरपरिषदेच्या अधिकाऱ्यांच्या देखरेखीखाली पारदर्शकपणे पार पडली. या कार्यक्रमास स्थानिक राजकीय नेते, नागरिक आणि सामाजिक संस्थांचे प्रतिनिधी मोठ्या संख्येने उपस्थित होते. सर्व प्रभागांतील नागरिकांनी या प्रक्रियेचे स्वागत केले असून, अनेकांनी महिला व मागासवर्गीयांच्या वाढत्या प्रतिनिधित्वाचा आनंद व्यक्त केला.
