पाल–खिरोदा मार्गावर क्लूझरचा भीषण अपघात; एक ठार तर ११ जखमी

पाल, ता.रावेर (प्रतिनिधी) : पाल – खिरोदा दरम्यान असलेल्या बोरघाटात वाहनचालकाचे वाहनावरील नियंत्रण सुटल्याने क्लूझर रस्त्याच्या कडेला पलटी झाली. या भीषण अपघातात वाहनातील एकूण १२ प्रवासी जखमी झाले असून त्यापैकी एकाचा मृत्यू झाला आहे. हा भीषण अपघात १० रोजी सकाळी रोजी घातला.

मिळालेल्या माहितीनुसार, क्लूझर (क्र. MH19 CF 3920) भुसावळ तालुक्यातील अंजनसोंडा येथील नागरिक पालकडे येत असताना ही दुर्घटना घडली. अपघातानंतर स्थानिक नागरिकांनी तत्काळ घटनास्थळी धाव घेत बचावकार्य सुरू केले. जखमींना प्राथमिक उपचारासाठी पाल ग्रामीण रुग्णालयात दाखल करण्यात आले असून, गंभीर जखमींना पुढील उपचारासाठी जळगाव जिल्हा रुग्णालयात हलविण्यात आले आहे.

जखमी असे

या भीषण अपघातात विजय राणे (वय ५५, रा. अंजनसोंडा) यांचा मृत्यू झाला असून पद्माकर पाटील (वय ६२), गणेश चौधरी (वय ६४), गोपाळ कोळी (वय ७१) आणि चालक प्रशांत चौधरी (वय ४८) आदी जखमी झाले आहे.