रावेर (प्रतिनिधी) : येथील ब्राह्मण समाजाच्या वतीने पंचकुंड पूजनोत्सव आणि स्नेहसंमेलन सोहळ्याचे आयोजन करण्यात आले आहे. हा धार्मिक व सामाजिक कार्यक्रम १७ मे रोजी पार पडणार असून त्यासाठी तयारी पूर्ण झाली आहे.
कार्यक्रमात विविध धार्मिक विधी, सामूहिक पूजन तसेच समाज बांधवांसाठी स्नेहमेळाव्याचे आयोजन करण्यात आले आहे. संध्याकाळी महाप्रसादाचे आयोजनही करण्यात आले असून परिसरातील नागरिकांना उपस्थित राहण्याचे आवाहन आयोजकांकडून करण्यात आले आहे.
या कार्यक्रमासाठी समाजातील पदाधिकारी व कार्यकर्ते सक्रियपणे सहभाग घेत असून मोठ्या संख्येने भाविक उपस्थित राहतील, असा विश्वास व्यक्त करण्यात येत आहे.
