जागतिक एड्स नियंत्रण दिनानिमित्त जळगावात विविध उपक्रम
जळगाव (प्रतिनिधी) : जागतिक एड्स नियंत्रण दिनानिमित्त संपूर्ण देशामध्ये पंधरवाडा आयोजित करण्यात येत असून जळगाव जिल्ह्यात विविध उपक्रमांद्वारे एचआयव्ही/एड्स विषयी समाजामध्ये जनजागृती करण्यात येणार आहे.
यावर्षीचे Overcoming disruption, transforming the AIDS response (एकजुटीने एचआयव्हीध् एड्सला लढा देऊए नवं परिवर्तन घडवू) हे घोष वाक्य असे असून प्रत्येक व्यक्तीने एचआयव्ही / एड् स विषयक जास्तीत जास्त माहिती मिळविणे, एचआयव्ही प्रतिबंधात्मक उपायांचे अनुकरण करणे, एचआयव्ही तपासणी करुन घेणे, आणि त्यासंबधी औषधोपचार मिळविणे हा त्याच्या आरोग्याचा अधिकार आहे. हे उदिष्टय डोळयासमोर जिल्हा एड् स नियंत्रण व प्रतिबंधक पथक, शासकिय वैदयकिय महाविदयालय व रुग्णालय, जळगाव यांचेमार्फत राबविण्यात येणार आहे.
- चित्रकला / रांगोळी व कविता / निंबध लेखन स्पर्धा
दि.१ ते १५ डिसेंबरदरम्यान फक्त एचआयव्हीसह जीवन जगणा-या आणि सर्व सामान्य नागरिक व महाविदयालयीन विदयार्थी-विदयार्थीनीकरिता खालील विषयांवर स्पधांचे आयोजन करण्यात येणार आहे. दोन्ही स्पर्धांसाठी वयोगट ११ ते १८ असणे आवश्यक आहे. तसेच सदर स्पर्धेतून प्रथम, द्वितीय, तृतीय यांना रोख बक्षिस व प्रमाणपत्र आणि सहभागींनादेखील प्रमाणपत्र वितरित करण्यात येईल. स्पर्धेचे विषय : चित्रकला / रांगोळी स्पर्धा, एचआयव्हि/एड् स जनजागृती, स्वस्थ नारी सशक्त परिवार, स्त्री-पुरुष समानता
- पोस्टर प्रदर्शन, पथनाटय, प्रभातफेरी
जिल्हा एड् स नियंत्रण व प्रतिबंधक विभागातर्फे एचआयव्ही/एड् स व जागतिक एड् स नियंत्रण दिनानिमित्त पोस्टर प्रदर्शन, प्रभातफेरी व पथनाटय आयोजीत करण्यात येणार आहे. या प्रभातफेरीचे उदघाटन दि १ डिसेंबर रोजी सकाळी ९.३० वा. जिल्हाधिकारी तथा अध्यक्ष जिल्हा एड् स प्रतिबंध व नियंत्रण विभाग, जळगाव यांच्याहस्ते तसेच मान्यवरांच्या उपस्थितीत करण्यात येईल. या प्रभातफेरीमध्ये माध्यमिक शाळेतील, कबचौ उमवि, जळगाव अंतर्गत असलेले महाविदयालयीन विदयार्थी (रेड रिबन क्लब), आरोग्य विभाग व शासनाच्या विविध कार्यालयातील अधिकारी, कर्मचारी, सेवाभावी संस्था यांचा सहभाग असेल. सुरवातीला एडस् दिनानिमित्त सर्व उपस्थितांना शपथ देण्यात येईल आणि पथनाटय सादर करण्यात येईल.
प्रभातफेरी शासकिय वैदयकिय महाविदयालय व रुग्णालय, जळगाव येथून निघून – पांडे चौक – स्वातंत्र चौक – जिल्हाधिकारी कार्यालय – यु टर्न – स्वातंत्र चौक – पांडे चौक – मार्गे सामान्य रुग्णालय आणि बाईक रॅलीचा मार्ग – बेंडाळे चौक – चित्र चौक – जी.एस ग्राउंड चौक – नवीन बस स्थानक – स्वातंत्र चौक . पांडे चौक – मार्गे सामान्य रुग्णालय येथे सांगता होईल. तसेच तालुकास्तरावर सुध्दा कवयित्री बहिणाबाई चौधरी उत्तर महाराष्ट्र विदयापीठ, जळगाव अंतर्गत असलेल्या सर्व महाविदयालयात आयसीटीसी विभागामार्फत रांगोळी/पोस्टर प्रदर्शन, व्याख्याने यांचे आयोजन करण्यात येणार आहे.
- पथनाटय
१ डिसेंबर रोजी रोजी जागतिक एड्स दिनानिमित्त शासकिय वैदयकिय महाविदयालय व रुग्णालय येथे सकाळी ८ ते १०.३० वाजेपर्यत एचआयव्ही एड् स विषयक पथनाटय, प्रभातफेरी व बाईकरॅली आयोजित करण्यात येणार आहे. - व्याख्यान व पोस्टर प्रदर्शन
३ डिसेंबर रोजी ११ वाजता जिल्हा एड् स नियंत्रण व प्रतिबंधक विभाग, जळगाव यांचे शासकिय वैदयकिय महाविदयालय, जळगाव येथे विदयार्थी-विदयार्थींनींसाठी पोस्टर प्रदर्शन व व्याख्यानाचे आयोजन करण्यात आलेले आहे. - पोस्टर प्रदर्शन
४ डिसेंबर रोजी ४ वाजता जिल्हा एड् स नियंत्रण व प्रतिबंधक विभाग, जळगाव व अशासकिय संस्था – गोदावरी फाउंडेशन, जळगाव (एफएसडब्लयु) यांचे वतीने जळगाव रेल्वे स्थानक जळगाव आवारामध्ये पोस्टर प्रदर्शन जनजागृती करण्यात येईल. - पोस्टर प्रदर्शन
५ डिसेंबर रोजी ११ वाजता जिल्हा एड् स नियंत्रण व प्रतिबंधक विभाग, जळगाव व अशासकिय संस्था गोदावरी फाउंडेशन, जळगाव (एमएसएम) यांचे वतीने बस स्थानक जळगाव यांचे आवारामध्ये पोस्टर प्रदर्शन व पथनाटयाद्वारे जनजागृती करण्यात येईल. - पोस्टर प्रदर्शन
६ डिसेंबर रोजी ४ वाजता आयसीटीसी केंद्र व आधार संस्था अमळनेर यांचे वतीने बसस्थानक अमळनेर यांचे आवारामध्ये पोस्टर प्रदर्शन जनजागृती करण्यात येईल.
तसेच दि.१ ते १५ डिसेंबरदरम्यान शासकिय कार्यालय, औदयोगिक वसाहत आदी ठिकाणी भगिनी मेळावा (देह विक्रेय करणा-या महिलांच्या प्रकल्पाद्वारे) आयोजन करण्यात येणार आहे.
