मणक्याचे शस्त्रक्रिया शिबिरासाठी मंगळवारी तपासणीचे आयोजन
मुंबई येथील द स्पाइन फाउंडेशन, जीएमसीतर्फे शिबिर
जळगाव (प्रतिनिधी) : शासकीय वैद्यकीय महाविद्यालय व रुग्णालय आणि मुंबई येथील द स्पाईन फाउंडेशन यांच्या संयुक्त विद्यमाने अस्थिव्यंगोपचार विभागामध्ये मंगळवारी दिनांक १८ रोजी मणक्याचे शस्त्रक्रिया शिबिर अंतर्गत रुग्णांची तपासणी आयोजित केली आहे. गरजू रुग्णांनी लाभ घेण्यासाठी उपस्थिती द्यावी असे आवाहन रुग्णालय प्रशासनातर्फे करण्यात आले आहे.
ज्या रुग्णांना कमरेचे दुखणे, सायटिका, स्पॉंडीलाइटिस, स्लिप डिस्क, कमरेच्या वेदना, पायाला सारख्या मुंग्या येणे, कमरेचे वाकडेपणा तसेच क्लिष्ट आजार असे मणक्याचे विविध आजार असतील तर त्यांनी याचा लाभ घ्यावा. तपासणीसाठी शासकीय वैद्यकीय महाविद्यालय व रुग्णालयात(सिव्हिल हॉस्पीटल) सकाळी १० ते १ या वेळेमध्ये कक्ष क्रमांक ११५ या ठिकाणी उपस्थिती द्यायची आहे.
तपासणी दरम्यान गरजू रुग्णाची शस्त्रक्रिया पुढील महिन्यात मुंबई येथील द स्पाईन फाउंडेशनचे नामांकित व सुप्रसिद्ध तज्ज्ञ डॉक्टर्स यांच्या मार्फत होणार आहेत. तरी गरजू रुग्णांनी याचा लाभ घ्यावा, असे आवाहन अस्थिव्यंगोपचार शास्त्र विभागाचे प्रमुख डॉ. राजकुमार सूर्यवंशी यांनी केले आहे.
