आंबेहळ (प्रतिनिधी) : प्राथमिक आरोग्य केंद्र रांजणगाव, उपकेंद्र लोंजे अंतर्गत ग्रामपंचायत आंबेहळ येथे ११ रोजी रात्री डेंग्यू मलेरिया प्रतिबंधासाठी व डासांची उत्पत्ती रोखण्यासाठी संपूर्ण गावात धूर फवारणी करण्यात आली. तसेच नागरिकांना डेंग्यू, मलेरिया आणि इतर कीटकजन्य आजार होऊ नये याविषयी जनजागृती करण्यात आली.
हा उपक्रम आरोग्य सेवा सहाय्यक संचालक डॉ. विवेक खतगावकर, जिल्हा आरोग्य अधिकारी डॉ. भायेकर, जिल्हा हिवताप अधिकारी डॉ.सोनवणे, तालुका आरोग्य अधिकारी डॉ.प्रशांत बोरसे यांच्या आदेशान्वये राबविण्यात आला. यावेळी उपकेंद्र लोंजे अंतर्गत ग्रामपंचायत आंबेहोळ येथे गावातील नागरिकांना डेंग्यू, मलेरिया आणि इतर कीटकजन्य आजार होऊ नये यासाठी काय काय खबरदारी घ्यावी या विषयी जनजागृती करून दवंडी देण्यात आली. त्यानंतर डासांचे जीवनचक्र विषयी आरोग्य शिक्षण देण्यात आले. सोबत तुंबलेल्या गटारी वाहत्या करणे, टाकीला झाकण लावणे किंवा कापड बांधणे, वापरात नसलेले टायर जाळून टाकणे, नारळाच्या करवंट्या जाळून टाकणे व एक दिवस पूर्ण गावातील टाक्या खाली करून एक दिवस कोरडा दिवस पाळण्याविषयी नागरिकांना आवाहन करण्यात आले.
धुराळणी कामी ग्रामपंचायत कार्यालयाचे विशेषत सरपंच संजीवनी कैलास चव्हाण यांच्या मार्गदर्शनाखाली भरत चव्हाण, ग्रामपंचायत सदस्य तुकाराम चव्हाण तसेच युवराज राठोड यांच्यासह गावकऱ्यांचे मोलाचे सहकार्य लाभले. यशस्वीतेसाठी प्रा.आ. केंद्र रांजणगाव वैद्यकीय अधिकारी डॉ. मनोहर जाधव व आरोग्य साहाय्यक कैलास राठोड, विठ्ठल चव्हाण यांचे मार्गदर्शनखाली आरोग्यसेवक नितीन तिरमाळी, आरोग्य सेवक योगेश झांबरे व आरोग्य सेवक विजय गावंडे यांनी परिश्रम घेतले.
