जळगावक्रीडाताज्या बातम्याशैक्षणिक

रावेरच्या मॅक्रो व्हिजन अकॅडमी शाळेमध्ये डॉज बॉल स्पर्धा

शाळेचे सचिव स्वप्निल पाटील यांचा वाढदिवस उत्साहात साजरा

रावेर (प्रतिनिधी) : येथील मॅक्रो व्हिजन अकॅडमी शाळेचे सचिव स्वप्निल पाटील यांच्या वाढदिवसानिमित्त शाळेत डॉज बॉल स्पर्धा आयोजित करण्यात आली होती. या स्पर्धेत विद्यार्थ्यांनी उत्स्फूर्त सहभाग नोंदवून खेळाचा आनंद घेतला.

उत्तुंग स्वप्न उराशी बाळगून ते पूर्ण करण्यासाठी धडपड करणाऱ्या सरांना आम्ही सर्वांनी बघितले आहे. म्हणून त्यांच्यासाठी शाळेकडून पुढील शुभेच्छा..
“स्वप्नांना दिशा देणारे, यशाचा ध्यास असलेले,
स्वप्निल सरांचे आयुष्य राहो सदा सुखाने नटलेले ” अशा शुभेच्छा देण्यात आल्या.

विद्यार्थ्यांनी वाढदिवसाच्या औचित्याने केक कापून आनंद व्यक्त केला. याप्रसंगी शाळेच्या शैक्षणिक संचालिका वनिता पाटील, शाळेचे व्यवस्थापक किरण दुबे व शाळेचे मुख्याध्यापक जनार्दन धनगर उपस्थित असून सर्वांनी स्वप्निल पाटील यांना वाढदिवसाच्या शुभेच्छा दिल्या. तसेच शाळेचे चेअरमन श्रीराम पाटील आणि जॉइंट सेक्रेटरी प्रमोद पाटील यांच्यासह शाळेचे उपाध्यक्ष ॲड. प्रवीण पासपोहे, खजिनदार विजय गोटीवांले यांच्यासह शिक्षक वृंद व कर्मचारीवर्ग यांनीही त्यांना शुभेच्छा दिल्या.

या प्रसंगी स्वप्निल पाटील यांनी मार्गदर्शन करताना विद्यार्थ्यांच्या बौद्धिक विकासाबरोबरच शारीरिक विकासही तितकाच महत्त्वाचा असल्याचे प्रतिपादन केले. खेळाच्या माध्यमातून सर्वांगीण विकास साधता येतो, यावर त्यांनी भर दिला.

Related Articles

Leave a Reply

Your email address will not be published. Required fields are marked *

Back to top button