स्वामी एज्युकेशनल ग्रुपतर्फे ८० वा स्वातंत्र्यदिन उत्साहात साजरा;गुणवंत विद्यार्थ्यांचा विशेष सत्कार!
रावेर (प्रतिनिधी): येथील नामांकित ‘स्वामी एज्युकेशनल ग्रुप’च्या वतीने ८० वा भारतीय स्वातंत्र्यदिन अत्यंत उत्साहात आणि देशप्रेमाच्या वातावरणात साजरा करण्यात आला.कार्यक्रमाची सुरुवात मान्यवरांच्या हस्ते दिमाखात ध्वजारोहण करून झाली. याप्रसंगी बांधकाम क्षेत्रात नावलौकिक तसेच प्रसिद्ध सामाजिक कार्यकर्ते जहिर शेख प्रामुख्याने उपस्थित होते. कार्यक्रमाच्या अध्यक्षस्थानी संस्थेचे अध्यक्ष माननीय रवींद्र पवार हे होते. तसेच संस्थेचे संचालक रामकिशोर पवार आणि पुष्पक पवार
यांच्यासह सर्व विभागांचे प्रमुख, शिक्षक व शिक्षकेतर कर्मचारी मोठ्या संख्येने उपस्थित होते.सांस्कृतिक कार्यक्रमांची मेजवानी आणि गुणवंतांचा गौरव:स्वातंत्र्यदिनाचे औचित्य साधून विद्यालयातील बालगोपालांनी अत्यंत आकर्षक अशी देशभक्तीपर गीते आणि नृत्ये सादर केली. चिमुकल्यांच्या या सादरीकरणाने उपस्थितांची मने जिंकली. तसेच विद्यार्थ्यांनी आपल्या ओघवत्या आणि स्फूर्तीदायक भाषणांतून देशभक्तांना अभिवादन केले. त्यांच्या या वक्तृत्वाने संपूर्ण प्रेक्षकवर्ग मंत्रमुग्ध झाला होता.या सोहळ्यात विद्यालयाच्या गुणवंत विद्यार्थ्यांचे विशेष कौतुक करण्यात आले. यामध्ये चौथी स्कॉलरशिप (शिष्यवृत्ती) परीक्षेत संपूर्ण जिल्ह्यात आपल्या यशाचा डंका वाजवणारा विद्यार्थी ‘कृष्णल अरुण सावकारे’ याचा मान्यवरांच्या हस्ते विशेष सत्कार करण्यात आला. यासोबतच दहावी आणि बारावीच्या बोर्ड परीक्षेत उत्कृष्ट गुण मिळवून विद्यालयाच्या वैभवात भर घालणाऱ्या गुणवंत
विद्यार्थ्यांचाही गौरव करण्यात आला. वक्तृत्व आणि निबंध स्पर्धांमध्ये आपली वेगळी छाप सोडणाऱ्या विजेत्या विद्यार्थ्यांना सन्मानित करण्यात आले. सर्व कार्यक्रमाचे सूत्र संचलन गजानन धनगर यांनी केले व शेवटी सर्व विद्यार्थ्यांना खाऊ वाटप करण्यात आले आणि अत्यंत आनंदी व उत्साही वातावरणात या सोहळ्याची सांगता झाली.
