जळगाव (प्रतिनिधी) : जिल्ह्यात गेल्या काही दिवसांपासून उष्णतेची तीव्रता वाढलेली दिसून येत आहे. तापमानात सतत वाढ होत असल्याने नागरिकांना उकाड्याचा मोठा त्रास सहन करावा लागत आहे.
दुपारच्या वेळेत उन्हाचा तडाखा अधिक जाणवत असल्याने नागरिकांनी अनावश्यक बाहेर पडणे टाळावे, असे आवाहन प्रशासनाच्या वतीने करण्यात आले आहे. विशेषतः लहान मुले, ज्येष्ठ नागरिक आणि रुग्णांनी काळजी घेण्याचे सांगण्यात आले आहे.
दरम्यान, हवामान विभागाने पुढील काही दिवस उष्णतेची लाट कायम राहण्याची शक्यता व्यक्त केली असून, नागरिकांनी आवश्यक ती खबरदारी घ्यावी, असेही सूचित केले आहे.
