डॉ. उल्हास पाटील वैद्यकीय महाविद्यालयात ३० शिक्षकांचा सहभाग
जळगाव (प्रतिनिधी) : वैद्यकीय शिक्षणातील अध्यापन आणि मूल्यमापन पद्धती अधिक प्रभावी करण्यासाठी डॉ. उल्हास पाटील वैद्यकीय महाविद्यालयात वैद्यकीय शिक्षणातील मूलभूत अभ्यासक्रम बेसिक कोर्स इन मेडीकल एज्युकेशन ( बेसिक कोर्स इन मेडीकल एज्युकेशन) या विषयावर तीन दिवसीय कार्यशाळेचे आयोजन करण्यात आले होते. ही कार्यशाळा दिनांक १० ते १२ नोव्हेंबर २०२५ दरम्यान उत्साहात पार पडली. वैद्यकीय शिक्षणातील आधुनिक अध्यापन तंत्र, कौशल्याधारित शिक्षण आणि विद्यार्थीकेंद्रित शिकवणी पद्धती यांवर सखोल चर्चा या कार्यशाळेत करण्यात आली.
कार्यक्रमाचे उद्घाटन माजी खासदार डॉ. उल्हास पाटील यांच्या हस्ते संपन्न झाले. उद्घाटन प्रसंगी महाविद्यालयाचे संचालक डॉ. एन. एस. आर्विकर, डीन डॉ. प्रशांत सोळंके, तसेच रजिस्ट्रार प्रमोद भिरूड आदी मान्यवर उपस्थित होते.कार्यशाळेत एमएनसी ऑब्झरबवर डॉ. चित्रा नेतारे यांनी मार्गदर्शन केले. तसेच डीन डॉ. प्रशांत सोळंके, वैद्यकीय शिक्षण विभागाचे समन्वयक डॉ. अनंत बेंडाळे, डॉ. कैलास वाघ, डॉ. दिलीप ढेकळे, डॉ. देवेंद्र चौधरी, डॉ. निलेश बेंडाळे, डॉ. बापूराव बिटे, डॉ. मिलींद जोशी, डॉ. मयूर मुठे, डॉ. माया आर्विकर, डॉ. शुभांगी घुले, डॉ. सारंग दह्याभाई यांनी विविध विषयांवर मार्गदर्शन केले. कार्यक्रमाचे सूत्रसंचालन शशिकांत,श्रुती,समीर,शहमा,शैलेश रूत्वीक यांनी केले.
विध्यार्थ्यांना विविध विषयांवर मार्गदर्शन
या तीन दिवसीय कार्यशाळेचे उद्दिष्ट शिक्षकांना वैद्यकीय शिक्षणातील विविध अंगांबद्दल जसे की अध्यापन पद्धती, आत्मसुधारणा, विद्यार्थी मूल्यमापन, वैद्यकीय व्यावसायिक आचरण तसेच अध्यापनासाठी तंत्रज्ञानाचा वापर याबाबत सैद्धांतिक आणि प्रात्यक्षिक प्रशिक्षण देणे हे होते. पहिल्या दिवशी गट गतिशीलता आणि शिक्षण प्रक्रियावर डॉ. प्रशांत सोळंके आणि डॉ. अनंत बेंडाळे यांनी तर. डॉ. कैलास वाघ यांनी शिक्षण क्षेत्रे आणि शिक्षणाची तत्त्वे, डॉ. दिलीप ढेकळे यांनी सीबीएमई मधील ध्येये, भूमिका, क्षमता आणि शिकण्याची उद्दिष्टे,डॉ. देवेंद्र चौधरी आणि डॉ. निलेश बेंडाळे यांनी शिकवण्याच्या शिक्षण पद्धती शेवटच्या सत्रात डॉ. अनंत बेंडाळे, डॉ. बापूराव बिटे आणि डॉ. मिलींद जोशी यांनी अंतर्गत मूल्यांकन आणि रचनात्मक मूल्यांकन या विषयावर मार्गदर्शन करत सहभागींच्या शंकांचे निरसन केले.
सुसऱ्या दिवशी मूल्यमापन पद्धती सुधारण्यावर मार्गदर्शन
दुसऱ्या दिवशीचा मुख्य भर वैद्यकीय शिक्षणातील नैतिकता आणि संवादावर होता. इटकॉम२ संकल्पना आणि आचरण या सत्रात डॉ. मयूर मुठे आणि डॉ. माया आर्विकर यांनी इटकॉम२ च्या अंमलबजावणीसाठी आवश्यक पावले आणि नवोन्मेषी पद्धती स्पष्ट केल्या. पुढे डॉ. शुभांगी घुले यांनी स्व-निर्देशित शिक्षण तसेच डॉ. कैलास वाघ आणि डॉ. मिलींद जोशी यांनी प्रभावी क्लिनिकल आणि व्यावहारिक कौशल्य अध्यापन या सत्रात ओएमपी,एसएन,पीपीएस,मिनीसीईएक्स सारख्या आधुनिक पद्धतींवर प्रशिक्षण दिले.दिवसाच्या शेवटी मूल्यांकन नियोजन, अचूक निबंध प्रश्न आणि वैकल्पिक प्रश्न लिहिणे या महत्त्वाच्या सत्रात डॉ. सारंग डाह्याभाई आणि डॉ. निलेश बेंडाळे यांनी सहभागी शिक्षकांना प्रश्नपत्रिकेचे ब्लूप्रिंट तयार करण्याचे आणि मूल्यमापन पद्धती सुधारण्याचे मार्गदर्शन केले.
शेवटच्या दिवशी शिक्षकांना विद्यार्थ्यांचे मार्गदर्शन करताना लागणार्या तत्त्वांचे स्पष्टीकरण
तिसर्या आणि शेवटच्या दिवशी पाठ योजना लिहिणे या सत्राने सुरुवात झाली. डॉ. दिलीप ढेकळे यांनी विद्यार्थ्यांच्या शिकण्याच्या उद्दिष्टांनुसार अध्यापन आराखडा कसा तयार करावा हे स्पष्ट केले.यानंतर डॉ. अनंत बेंडाळे आणि डॉ. बापूराव बिटे यांनी क्लिनिकल आणि प्रॅक्टिकल कौशल्यांचे मूल्यांकन या विषयावर.डॉ. अनंत बेंडाळे यांनी शैक्षणिक वाढ आणि नेटवर्किंग या सत्रात वैद्यकीय शिक्षकांसाठी उपलब्ध असलेल्या पुढील प्रशिक्षण आणि एमईयू (वैद्यकीय शिक्षण विभाग )च्या कार्याची माहिती दिली.दिवसाच्या उत्तरार्धात डॉ. शुभांगी घुले यांनी लिग्निंग – क्षमता आणि टीएलएमचे मूल्यांकन या विषयावर प्रत्यक्ष गटकार्याद्वारे मार्गदर्शन केले, तर डॉ. माया आर्विकर आणि डॉ. देवेंद्र चौधरी यांनी मार्गदर्शन या विषयावर शिक्षकांना विद्यार्थ्यांचे मार्गदर्शन करताना लागणार्या तत्त्वांचे सविस्तर स्पष्टीकरण दिले.
कार्यशाळेत ३० सहाय्यक प्राध्यापकांनी सक्रिय सहभाग
कार्यशाळेचा समारोप डॉ. निलेश बेंडाळे यांच्याटप्प्याटप्प्याने क्षमतांसाठी वेळापत्रक तयार करणे या सत्राने झाला.या तीन दिवसीय कार्यशाळेत महाविद्यालयातील सुमारे ३० सहाय्यक प्राध्यापकांनी सक्रिय सहभाग नोंदविला. कार्यशाळेच्या शेवटी सहभागी शिक्षकांनी आपल्या अनुभवांची देवाणघेवाण केली आणि वैद्यकीय शिक्षण अधिक परिणामकारक बनविण्याचा संकल्प व्यक्त केला.
