जळगाव (प्रतिनिधी) : मेहरूण येथील श्री संत ज्ञानेश्वर प्राथमिक व माध्यमिक विद्यालयामध्ये १४ सप्टेंबर रोजी हिंदी दिवस साजरा करण्यात आला. त्यानिमित्त हिंदी मंडळातर्फे उपशिक्षिका उज्वला नन्नवरे यांच्या मार्गदर्शनाखाली विविधते मध्ये एकता कार्यक्रम आयोजित करण्यात आला .
शाळेच्या विद्यार्थ्यांनी विविध स्पर्धेत सहभाग घेतला. उपशिक्षिका शितल कोळी यांनी याप्रसंगी बोलतांना सांगितले की, १४ सप्टेंबर १९४९ रोजी संविधान सभेने घेतलेला निर्णय, भारताची अधिकृत भाषा म्हणून हिंदीचा स्वीकार करण्याचा हा दिवस आहे. हिंदी ही एकता आणि संस्कृतीची भाषा आहे. ती केवळ आपली राष्ट्रभाषा नसून आपल्या सांस्कृतिक ओळखीचा एक अविभाज्य भाग आहे. त्यांनी सर्वांना हिंदीच्या प्रसार आणि प्रचारासाठी योगदान देण्याचे आवाहन केले.
आभार शाळेचे मुख्याध्यापक मुकेश नाईक यांनी मानले.
