स्वामी शाळेत राखी बनविण्याच्या स्पर्धेला विद्यार्थ्यांचा उत्स्फूर्त प्रतिसाद

पारंपरिक साहित्य वापरुन बनविल्या आकर्षक राख्या

रावेर (प्रतिनिधी) : स्वामी प्रि-प्रायमरी अँड समृद्धी इंग्लिश मिडीयम स्कूल केऱ्हाळा बु. येथे ७ ऑगस्ट रोजी राखी बनवण्याची स्पर्धा मोठ्या उत्साहात पार पडली. या कार्यक्रमामध्ये इयत्ता नर्सरी ते चौथीच्या विद्यार्थ्यांनी राखी बनवण्याच्या स्पर्धेत सहभागी झाले.

विद्यार्थ्यांनी आपली सर्जनशीलता आणि कलात्मकता दाखवत सुंदर राख्या तयार केल्या. मुलांनी विविध रंगी कागद, मणी, गोंद, धागा अशा पारंपरिक साहित्य वापरुन आकर्षक राख्या तयार केल्या काही विद्यार्थ्यांनी पर्यावरणपुरक राख्याही बनवल्या. स्पर्धेचे आयोजन विभाग प्रमुख जॉन्सी थॉमस व कलेचे शिक्षक वर्षा महाजन यांनी केले होते. यशस्वीतेसाठी शाळेतील सर्व शिक्षक व शिक्षकेत्तर कर्मचारी यांचे सहकार्य लाभले.