कारण अस्पष्ट; पोलिसात अकस्मात मृत्यूची नोंद
जळगाव (प्रतिनिधी) : वाघ नगर परिसरातील ३५ वर्षीय विवाहितेने राहत्या घरात गळफास घेऊन आत्महत्या केल्याची धक्कादायक घटना २९ ऑगस्ट रोजी सकाळी उघडकीस आली. आत्महतेमागील कारण अस्पष्ट असून याप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
चंद्रकला अरुण निकम (वय ३५, रा.वाघ नगर परिसर) असे मृत महिलेचे नाव आहे. त्यांचे पती अरुण हे कारपेंटर असून त्याचवरच त्यांचा उदरनिर्वाह चालतो. शुक्रवारी सकाळी पती अरुण निकम हे कामावर निघून गेले. तर लहान मुले हे शाळेत गेले. यानंतर घरात गळफास लावून घेत चंद्रकला निकम यांनी आत्महत्या केल्याचे समजल्याने पतीने आणि कुटुंबीयांनी मोठा आक्रोश केला. या घटनेमुळे संपूर्ण परिसरात हळहळ व्यक्त होते आहे.
यानंतर मृतदेह शासकीय वैद्यकीय महाविद्यालय व रुग्णालयात दाखल केले असता तेथे वैद्यकीय अधिकाऱ्यांनी तपासून मयत घोषित केले. या घटनेप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहेत.
