गुरुदेव सेवा आश्रम ट्रस्टकडून डॉक्टरांचा सत्कार
जामनेर (प्रतिनिधी )-“डॉक्टर हे ईश्वराचे रूप असून कोरोना सारख्या महामारीत डॉक्टरांमुळेच आपण सुरक्षित राहिलो.डॉक्टर हे खरोखरच आपल्या कुटुंबापेक्षा रुग्णाच्या हितासाठीच रुग्णाला अधिक वेळ देतात.मी खरोचरच मनापासून सर्व डॉक्टरांना धन्यवाद देतो.”असे प्रतिपादन श्यामचैतन्य महाराज यांनी व्यक्त केले.
उपजिल्हा रुग्णालय जामनेर येथे डॉक्टर्स डे निमित्त गुरुदेव सेवा आश्रम ट्रस्टच्या वतीने शहरातील डॉक्टरांचा सत्कार करण्यात आला. यावेळी ते बोलत होते.
कार्यक्रमाच्या अध्यक्षस्थानी जामनेर उपजिल्हा रुग्णालयाचे वैद्यकीय अधीक्षक डॉ. हर्षल चंदा तर प्रमुख पाहुणे म्हणून तालुका वैद्यकीय अधिकारी डॉ.राजेश सोनवणे व आयएमए जामनेरचे अध्यक्ष डॉ संदीप पाटील हे होते.
कार्यक्रम प्रसंगी नुकतीच जामनेर शहर डॉक्टर्स असोसिएशनच्या अध्यक्षपदी नियुक्ती झाल्याबद्दल डॉ. के. एम. जैन – ओस्तवाल त्याचा सत्कार करण्यात आला.सदर प्रसंगी आयएमए व जामनेर शहर डॉक्टर्स असोसिएशन मार्फत रक्तदान शिबिराचे आयोजन करण्यात आले होते. रक्तदात्यांचे श्याम चैतन्य महाराज यांच्याकडून अभिनंदन करण्यात आले.
कार्यक्रम प्रसंगी डॉ.अजय पाटील, डॉ.निळकंठ पाटील, डॉ.सुभाष पवार, डॉ.आशिष महाजन, डॉ. जयंत महाजन, डॉ.योगेश इंगळे, डॉ.दीपक ठाकूर, डॉ.संदीप सरताळे, डॉ.प्रशांत महाजन, डॉ.नरेश पाटील,डॉ.मनोज विसपुते, डॉ.आशिष वाघ, डॉ.नंदलाल पाटील, डॉ.जितेंद्र वानखेडे, डॉ.रविंद्र कासट, डॉ.विजय सपकाळ, डॉ.पवन पाटील, डॉ.विनोद भाई, डॉ.मनोज पाटील, डॉ.शीतल पाटील, डॉ.वैशाली चांदा, डॉ.स्वाती विसपुते, डॉ.निवेदिता पाटील उपस्थित होत्या.कार्यक्रमाचे सूत्रसंचलन डॉ.नरेश पाटील यांनी केले तर आभार डॉ. निळकंठ पाटील यांनी मानले.
