महाराष्ट्रासह अनेक राज्यांत मुसळधार पावसाचा इशारा; IMD कडून ऑरेंज व रेड अलर्ट जारी
जळगाव (प्रतिनिधी): भारतीय हवामान विभागाने (IMD) देशातील अनेक राज्यांसाठी पुढील काही दिवस मुसळधार ते अतिमुसळधार पावसाचा इशारा दिला आहे. महाराष्ट्रातील काही भागांसह कोकण, मध्य महाराष्ट्र आणि इतर राज्यांमध्ये जोरदार पाऊस, वादळी वारे आणि विजांच्या कडकडाटाची शक्यता व्यक्त करण्यात आली आहे.
मुंबई, ठाणे, पालघरसह कोकणातील काही भागांसाठी ऑरेंज अलर्ट जारी करण्यात आला आहे. घाटमाथा परिसरात अतिवृष्टीची शक्यता असून नागरिकांनी अनावश्यक प्रवास टाळावा, असे प्रशासनाने आवाहन केले आहे.
हवामान विभागाने नदीकाठच्या गावांतील नागरिकांनी सतर्क राहावे, तसेच स्थानिक प्रशासनाच्या सूचनांचे पालन करावे, असे सांगितले आहे. काही भागांत जलसाचणे, वाहतूक विस्कळीत होणे आणि पूरस्थिती निर्माण होण्याची शक्यता नाकारता येत नाही.
