रावेर (प्रतिनिधी) : रावेर येथील सरदार जी. जी. हायस्कूल व कनिष्ठ महाविद्यालयातील केंद्र संचालकांचा पदभार काढण्यात आल्याची माहिती समोर आली आहे. काही प्रशासकीय कारणांमुळे हा निर्णय घेण्यात आल्याचे सांगण्यात येत आहे.
यापूर्वी इयत्ता बारावीच्या परीक्षेदरम्यान घडलेल्या कॉपी प्रकरणासंदर्भातही अधिकाऱ्यांकडून आवश्यक ती कार्यवाही करण्यात आली होती. त्या पार्श्वभूमीवर सद्य निर्णयाकडे पाहिले जात असल्याची चर्चा परिसरात सुरू आहे.
संस्थेच्या मुख्याध्यापकांनी यासंदर्भात माहिती देताना संबंधित आदेश प्राप्त झाल्यानंतर तात्काळ कार्यवाही करण्यात आल्याचे स्पष्ट केले. पुढील नियोजनाबाबत लवकरच निर्णय जाहीर केला जाईल, असेही त्यांनी नमूद केले.
दरम्यान, या घडामोडीमुळे शिक्षक व पालकांमध्ये चर्चा सुरू असून शैक्षणिक कामकाज सुरळीत सुरू राहील, असा विश्वास संस्थेकडून व्यक्त करण्यात आला आहे
