संत ज्ञानेश्वर विद्यालयामध्ये विद्यार्थ्यांसह पालकांची मोफत तपासणी

जळगाव (प्रतिनिधी) : मेहरूण येथील श्री संत ज्ञानेश्वर प्राथमिक व माध्यमिक विद्यालय येथे २० रोजी श्री.चामुंडामाता होमिओपॅथी मेडिकल कॉलेज व श्री.पी.ई. तात्या पाटील रुग्णालय जळगाव यांच्यामार्फत विद्यार्थी व पालकांसाठी मोफत नेत्र व आरोग्य तपासणी शिबिराचे आयोजन करण्यात आले होते. या शिबिरात ४५० विद्यार्थ्यांची व १०० पालकांची मोफत तपासणी करण्यात आली.

या शिबिरात होमिओपॅथी तज्ञ डॉ. सिद्धेश्वर पाटील, डॉ. अमिता श्रीवास्तव, नेत्रचिकित्सक डॉ. जयेश वाल्हे, प्रशिक्षणार्थी डॉ. प्राची खलसे, भावना दातीर, हर्षदा पाटील, श्रद्धा चौधरी, फैज खान आदींचे मोलाचे सहकार्य केले. या सर्वांचे आभार शाळेचे मुख्याध्यापक मुकेश नाईक यांनी मानले.