गोदावरी इंजीनियरिंग मधील विद्यार्थ्यांना सीपीआरचे प्रशिक्षण
जळगाव (प्रतिनिधी) : येथील रोटरी क्लब जळगाव व सोसायटी ऑफ अनेस्थेशिऑलॉजिस्टच्या सहकार्याने गोदावरी अभियांत्रिकी कॉलेजमध्ये जीवन रक्षक प्रणाली (सीपीआर)चे प्रशिक्षण आयोजित करण्यात आले होते. विद्यार्थ्यांना सीपीआर म्हणजे काय, सीपीआर कोणाला देता येतो, सीपीआर कसा दिला पाहिजे याबद्दल डाॅ. लिना पाटील यांनी विस्तृत माहिती दिली. सामान्य माणूस आपल्या दोन हात व मेंदूचा योग्य वापर योग्य व्यक्तीला देऊ शकला तर त्याला जीवनदान मिळू शकते असे त्या म्हणाल्या. तसेच सोसायटीच्या सचिव डाॅ. जयश्री राणे, डाॅ. सुनिल सुर्यवंशी यांनी प्रत्यक्ष प्रात्यक्षिक करुन दाखविले व विद्यार्थ्यांकडून करुन घेतले.
प्राचार्य डाॅ. विजयकुमार पाटील यांनी आपल्याला जीवरक्षक बनण्यासाठीची संधी उपलब्ध करुन देण्यात आली आहे. प्रत्येकाने त्याचा लाभ घ्यावा असे आवाहन केले. कार्यक्रमास रोटरी क्लब जळगावचे अध्यक्ष गिरीश कुळकर्णी, मानद सचिव सुभाष अमळनेरकर व संवाद सचिव पंकज व्यवहारे, सुबोध सराफ उपस्थित होते.
विद्यार्थ्यांच्या प्रश्नांना तज्ञ डाॅक्टरांनी उत्तर दिले. यानंतर काही प्रातिनिधिक विद्यार्थी व विद्यार्थिनींनी प्रात्यक्षिके केलीत. कार्यक्रमास महाविद्यालयातील शिक्षक, कर्मचारी व विद्यार्थी मोठ्या संख्येने उपस्थित होते.
