जळगाव (प्रतिनिधी) : प्रजापिता ब्रह्माकुमारी ईश्वरीय विश्वविद्यालय, ढाके कॉलनी सेवाकेंद्रात आयोजित प्रेरणादायी युवक कार्यक्रमात माउंट आबू येथून पधारेले राजयोग प्रशिक्षक व मोटिवेशनल स्पीकर राजयोगी ब्रह्माकुमार रूपेशभाई यांनी उपस्थित तरुणांना आत्मविश्वास, सकारात्मक विचार व लक्ष्यनिर्धारणाचा सामर्थ्यशाली संदेश दिला. कार्यक्रमाचा प्रमुख विषय होता “आपले भविष्य स्वतः घडवा.”
कार्यक्रमाच्या सुरुवातीस तरुणांना विचारलेल्या प्रश्नाने सभागृहात चिंतनाचे वातावरण निर्माण झाले – “जर तुम्हाला तुमच्या भविष्याचा एक पान लिहायला दिला, तर तुम्ही त्यात काय लिहाल?” युवा प्रत्येक क्षेत्रात अग्रेसर – मेहनत हीच यशाची चावी रूपेशभाईंनी सांगितले की आजचा युवक प्रतिभावान असून योग्य दिशा, मेहनत आणि सकारात्मक मानसिकतेने तो काहीही साध्य करू शकतो. त्यांनी एक महत्त्वपूर्ण विचार मांडला – “ज्येष्ठांच्या हातात भविष्य नसते आणि तरुणांचा भूतकाळ नसतो – त्यामुळे वर्तमानात जगूनच भविष्याची निर्मिती करता येते.”
प्रेरणादायी उदाहरणे मांडत त्यांनी सांगितले – धीरुभाई अंबानी यांनी कारकीर्दीची सुरुवात पेट्रोल पंपावर कर्मचाऱ्यापासून केली आणि नंतर भारतातील सर्वात मोठ्या उद्योगसमूहाचे संस्थापक झाले. रजनीकांत, आजचे सुपरस्टार, सुरुवातीला बस कंडक्टर होते. भारत रत्न डॉ. ए.पी.जे. अब्दुल कलाम साध्या कुटुंबातून आले, पण कष्ट, शिस्त आणि विज्ञानावरील निष्ठेमुळे ते भारताचे राष्ट्रपती आणि जगप्रसिद्ध शास्त्रज्ञ बनले. ही सर्व उदाहरणे हे सिद्ध करतात की – यश जन्मतः मिळत नाही, ते प्रयत्न, धैर्य आणि संकल्पातून निर्माण होते. भाग्य तयार केले जाते – ते तयार मिळत नाही.
विचारांची शक्ती – बदलते भविष्य
वक्त्यांनी सांगितले की मनुष्य आपल्या विचारांनीच आपले भविष्य घडवतो. एका संशोधनाचा उल्लेख करत त्यांनी सांगितले – ८०% विचार व्यर्थ, १५% भविष्याची चिंता, आणि फक्त ५% विचार वर्तमानाचे असतात. भगवद्गीतेतील श्रीकृष्णांचा अर्जुनाला दिलेला उपदेश नमूद करत त्यांनी सांगितले – “भूतकाळाचे दुःख आणि भविष्याची चिंता सोड – वर्तमानात कर्म कर.”
SOS सूत्र – नकारात्मक विचारांवर उपाय
नकारात्मक विचारांना बदलण्यासाठी त्यांनी SOS फॉर्म्युला सांगितला -S – Stop (थांबा) O – Observe (निरीक्षण करा) S – Switch (विचार बदला) विचार बदला – जीवन बदलेल. लक्ष्य ठरवा – ऊर्जा योग्य दिशेला वापरा तरुणांना संदेश देताना ते म्हणाले – “ज्याच्या जीवनात मोठे लक्ष्य नाही, त्याचे वर्तमानही कमकुवत असते.” लहान व मोठे दोन्ही प्रकारचे लक्ष्य निश्चित करणे आवश्यक असून मनुष्य आपल्या क्षमतेतील फक्त ५–१०% ऊर्जा वापरतो, उर्वरित ऊर्जा योग्य दिशेला वळवली तर जीवनात अशक्यही शक्य होते. अखेरीस त्यांनी तरुणांना प्रेरणा दिली – “भाग्य कोणी देत नाही – ते स्वतः निर्माण करावे लागते.”
राजयोग ध्यानाचा संदेश
कार्यक्रमाच्या समारोपात ब्रह्माकुमारी मिनाक्षी दीदीजींनी तरुणांना नियमित राजयोग ध्यानाचा अभ्यास करण्याचे आवाहन केले, जेणेकरून मानसिक शांती, एकाग्रता आणि आत्मविश्वास वाढू शकेल. कार्यक्रमाचे सुत्रसंचालन बी.के. अस्मिता यांनी केले व आभार प्रदर्शन बी.के. कोमल यांनी केले. कार्यक्रमात चार्टर्ड अकाउंटंट परीक्षा उत्तीर्ण विद्यार्थी धीरज याचा विशेष सत्कार बी.के. रूपेशभाई यांच्या हस्ते करण्यात आला.
