जळगाव (प्रतिनिधी) : रावेर तालुक्यातील कृषीदुतानी गावातील शेतकऱ्यांना तण नियंत्रण यवस्थापानावर मार्गदर्शन करत प्रत्यक्ष शेतात प्रात्यक्षिक सादर केले. या उपक्रमामुळे शेतकऱ्यांमध्ये तण नियंत्रणाबाबत जनजागृती केल्यामुळे समाधान व्यक्त केले.
पिकांमध्ये उत्पादन घट म्हणजे तण, किड व रोगांप्रमाणेच तण देखील पिक वाढीला अडथळ निर्माण करतात. तणनियंत्र न झाल्यास पिकांचे उत्पादन लक्षणीय प्रमाणात घटते. यामुळेच योग्य वेळी व योग्य पद्धतीने तणनियंत्रण करणे अत्यंत आवश्यक आहे. नैसर्गिक संतुलन राखत तणनियंत्रण करण्यावर कृषीदुतानी भर दिला. या उपक्रमाचे मार्गदर्शन प्राचार्य डॉ. शैलेश तायडे, प्रा. बी.एम.गोणशेटवाड, प्रा. व्ही.एस. पाटील व प्रा.पी.एस.देवरे यांनी केले.
कृषिदुत गौरव महालकर,सौरव महेर, पियूष नेहते, पुष्पराज शेळके व कुणाल सपकाळे यांनी शेतकऱ्यांना विविध तणनियंत्रण पद्यतींचे सविस्तर मार्गदर्शन केले. यामध्ये रासायनिक, यांत्रिक व जैविक तंत्रांचा वापर कसा करावा याचे प्रात्यक्षिक स्वरूपात सादरीकरण करण्यात आले. या वेळी गावातील शेतकरी मोठ्या संख्येने उपस्थित होते. या उपक्रमामुळे शेतकऱ्यांना तणनियंतनाचे शास्त्रशुद्ध ज्ञान मिळाले असून, भविष्यात उत्पादनवाढीसाठी हे ज्ञान उपयुक्त ठरणार असल्याची प्रतिक्रिया त्यांनी व्यक्त केली.
