जळगाव (प्रतिनिधी) : येथील गोदावरी कॉलेज ऑफ नर्सिंग, जळगाव मध्ये एम.एस्सी. नर्सिंग प्रथम वर्षाच्या सर्व पाच विशेष शाखा (सुपरविशन, मानसिक आरोग्य, पेडियाट्रिक, कम्युनिटी हेल्थ व ऑब्स्टेट्रिक व गाईनाकोलॉजी) विद्यार्थ्यांसाठी ब्रेनस्टॉर्मिंग सत्र यशस्वीपणे राबविण्यात आले.
कार्यक्रमाच्या उद्घाटन सोहळ्यात प्राचार्या विशाखा वाघ यांनी कार्यक्रमाची रूपरेषा मांडून विद्यार्थ्यांना संशोधन प्रक्रियेबद्दल मार्गदर्शन केले. त्यानंतर उपप्राचार्या जॅसिंथ डी. यांनी संशोधनाचे महत्त्व स्पष्ट करत प्रेरणादायी भाषण केले.या दोन दिवसीय सत्रात विद्यार्थ्यांनी आपआपल्या संशोधन प्रबंध प्रस्तावांचे सादरीकरण केले, ज्यात संशोधन रचना, साहित्याचा आढावा, कार्यपद्धती तसेच अपेक्षित निष्कर्ष यांचा सखोल विचार करण्यात आला. या कार्यक्रमाचे आयोजन बॅच समन्वयक श्रीमती जयश्री जाधव व वर्गशिक्षिका प्रियांका गाडेकर यांनी केले.
संशोधन क्षेत्रातील विचारमंथनासाठी उपयुक्त ठरलेल्या या सत्राबद्दल संस्था व्यवस्थापन, मार्गदर्शक प्राध्यापक व विद्यार्थ्यांनी समाधान व्यक्त केले. गोदावरी कॉलेज ऑफ नर्सिंगमध्ये नियमितपणे संशोधन व शैक्षणिक विचारविनिमय कार्यक्रमांचे आयोजन केले जाते, ज्यामुळे विद्यार्थ्यांचा अभ्यास व संशोधनक्षमता अधिकाधिक विकासित होत आहे.
