रावेर (प्रतिनिधी) : स्वामी इंग्लिश मीडियम स्कूल, रावेर येथे पंडित जवाहरलाल नेहरू यांची जयंती बाल दिवस म्हणून उत्साहात आणि आनंदमय वातावरणात साजरी करण्यात आली. कार्यक्रमाला विद्यालयाचे प्राचार्य डॉ. रातीश मौन, पर्यवेक्षिका अनिता पाटील, तसेच सर्व शिक्षक व शिक्षकेतर कर्मचारी उपस्थित होते.
कार्यक्रमाची सुरुवात नेहरूजींच्या प्रतिमेला पुष्पांजली अर्पण करून करण्यात आली. त्यानंतर विद्यार्थ्यांनी मोठ्या उत्साहात विविध खेळ, भाषणे, गीत, नृत्य आणि सांस्कृतिक कार्यक्रमांचे सुंदर सादरीकरण केले. मुलांनी दाखविलेला उत्स्फूर्त सहभाग आणि त्यांच्या चेहऱ्यावर दिसणारा आनंद यामुळे कार्यक्रमाला विशेष रंगत आली.
प्राचार्य डॉ. मौन यांनी विद्यार्थ्यांना बालदिनाच्या शुभेच्छा देत नेहरूजींच्या बालप्रेमाची आणि त्यांच्या आदर्शांची उजळणी केली. विद्यार्थ्यांनीही शिस्तबद्ध आणि आनंदी वातावरणात कार्यक्रमाचा मनसोक्त आनंद घेतला. बालदिनाचा हा सुंदर उपक्रम विद्यार्थ्यांसाठी अविस्मरणीय ठरला.
