महिला व बालविकास योजनांच्या प्रभावी अंमलबजावणीसाठी कालमर्यादेत कार्यवाहीचे निर्देश!
जळगाव जिल्हाधिकारी कार्यालयात आढावा बैठक संपन्न
जळगाव (प्रतिनिधी) : जळगाव जिल्हाधिकारी कार्यालयात दि. १९ जानेवारी रोजी महिला व बालविकास विभागाच्या विविध विषयांची सविस्तर आढावा बैठक अपर जिल्हाधिकारी यांच्या अध्यक्षतेखाली आयोजित करण्यात आली होती. महिला व बालकांशी संबंधित शासकीय योजना, सेवा आणि उपक्रमांची सद्यस्थिती जाणून घेऊन, त्यांच्या अंमलबजावणीतील त्रुटी दूर करण्यावर या बैठकीत भर देण्यात आला.
सदर बैठकीमध्ये योजनांच्या अंमलबजावणीतील प्रलंबित प्रकरणे, सेवा पुरवठ्यातील अडचणी आणि क्षेत्रस्तरीय समन्वयाबाबत सविस्तर चर्चा करण्यात आली. महिला सक्षमीकरण, बालकल्याण, पोषण, संरक्षण आणि सामाजिक सुरक्षितता या बाबींना अधिक बळकटी देण्यासाठी विभागीय पातळीवर सर्व विभागांनी समन्वयाने कामकाज करण्यावर भर देण्यात आला.
उपस्थित विषयांच्या अनुषंगाने, संबंधित अधिकारी वर्गाला अपर जिल्हाधिकारी यांनी वेळबद्ध (time-bound), प्रभावी व गुणवत्तापूर्ण कार्यवाही करण्याचे स्पष्ट निर्देश दिले. “संवेदनशील प्रशासन — सक्षम सेवा — सुरक्षित महिला व बालक” या उद्दिष्टानुसार जळगाव जिल्हा प्रशासन महिला व बालविकासाच्या माध्यमातून समाजकल्याणासाठी कटिबद्ध असल्याचे यावेळी स्पष्ट करण्यात आले.
