मुक्ताईनगर परिसरात मध्यरात्री धडक कोंबींग ऑपरेशन!
गुन्ह्यातील २ फरार आरोपींसह १५ जण ताब्यात, जळगाव पोलीस दलाची मोठी कारवाई!
जळगाव (प्रतिनिधी) : मुक्ताईनगर पोलीस स्टेशन हद्दीतील मधापुरी, लालगोटा, हलखेडा या गावांमध्ये मध्यरात्री अचानक कॉर्बीग ऑपरेशन राबविण्यात आले. यात गुन्हयांमध्ये फरार असलेल्या आरोपीसह १५ जणांना ताब्यात घेण्यात आले. ही कारवाई जळगावच्या स्थानिक गुन्हे शाखा व मुक्ताईनगर पोलिसांनी संयुक्तीकरित्या करण्यात आली.
जिल्हयात घडणारे मालमत्तेविरुध्दचे गंभीर गुन्हयांचे अनुषंगाने पोलीस अधीक्षक डॉ. महेश्वर रेड्डी यांच्या आदेशावरून ही कारवाई करण्यात आली. त्यानुसार स्थानिक गुन्हे शाखा जळगांवचे वरिष्ठ पोलीस निरीक्षक राहुल गायकवाड व मुक्ताईनगर पोलीस स्टेशनचे पोलीस निरीक्षक आशिष अडसुळ यांच्या मार्गदर्शनाखाली हे कोंबींग ऑपरेशन राबविण्यात आले.
१५ जणांना घेतले ताब्यात
या कारवाईत रोहित ऊर्फ गुरुदास सुदेश पवार (वय २५), क्रिश निशांत पवार (वय १९), किसन दिनु पवार (वय २१), नितेश रितेश पवार (वय ३०), आर्यमन जिन्नु पवार (१९), कमलेश्वर शानेश्वर पाटील (४५), गिता नागेश पवार (३८), दिपमाला कमलेश पाटील (सर्व रा. मधापुरी ता. मुक्ताईनगर जि. जळगांव), धरमसिंग लखनसिंग भोसले (२५), लखनसिंग युवराज भोसले (५०), बाबुसिंग लखनसिंग भोसले (१९), टोनी दर्शनलाल पवार (४३), लकी टोनी पवार (वय २२), सदानंद टोनी पवार (२५ वर्ष रा. लालगोटा ता. मुक्ताईनगर), नयन सटा भोसले (२५ वर्ष, रा. हलखेडा ता. मुक्ताईनगर) यांना ताब्यात घेण्यात आले आहे.
ताब्यात घेण्यात आलेल्या कमलेश्वर ज्ञानेश्वर पाटील व दिपमाला कमलेश पाटील यांच्याविरुध्द मुक्ताईनगर पो.स्टे. येथे गुन्हा दाखल आहे. या गुन्हयात दोन्ही आरोपी हे फरार होते त्यांना या गुन्हयात अटक करण्यात आली. इतर १३ जणांवर यापुर्वी चोरी, दरोडा सारख्या घटनामध्ये सहभाग असून त्यांच्यावर प्रतिबंधक कारवाई करण्यात आली आहे.
यांनी केली कारवाई
ही कार्यवाही पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, उपविभागीय पोलीस अधिकारी, मुक्ताईनगर उपविभाग सुभाष ढवळे, वरिष्ठ पोलीस निरीक्षक राहुल गायकवाड, पोलीस निरीक्षक आशिष अडसुळ यांचे मार्गदर्शनाखाली स्थानिक गुन्हे शाखा जळगांव, मुक्ताईनगर पोलीस स्टेशन तसेच मुक्ताईनगर उपविभाग, भुसावळ उपविभाग, फैजपुर उपविभाग कडील अधिकारी व अंमलदार तसेच पोलीस मुख्यालयाकडील आर.सी.पी.पथक तसेच पोलीस अंमलदार असे एकुण १-पोलीस निरीक्षक, ४-सपोनि/पोलीस उपनिरीक्षक, १३०- पोलीस अंमलदार व ४ आरसीपी. पथक यांनी सहभाग घेतला आहे.
