भुसावळ ते रावेर शटल बससेवेला सुरुवात!

प्रवाशांना दिलासा; आमदार अमोल जावळे यांच्या मागणीनंतर २४ तासात बस सुरु

रावेर (प्रतिनिधी) : रावेर-भुसावळ दरम्यान दैनंदिन बसेस कमी असल्यामुळे प्रवाशांचे हाल होत होते. ही बाब लक्षात आल्यावर आमदार अमोल जावळे यांनी विभागीय नियंत्रकांना पत्र पाठवून भुसावळ ते रावेर शटल बस सेवा सुरु करण्याच्या सूचना दिल्या. यांच्या पत्राची दखल घेत २४ तासात आजपासून भुसावळ ते रावेर शटल बससेवा सुरु करण्यात आली आहे.

शिक्षण, नोकरी व व्यवसायानिमित्त दररोज रावेर येथून भुसावळला जाणाऱ्या प्रवाशांची संख्या अधिक असून बस नसल्यामुले प्रवाशांना खासगी वाहनांचा आधार घ्यावा लागतो. त्यामुळे वेळ व पैशाचा अपव्यासह एसटी महामंडळाचेही आर्थिक नुकसान होत होते. संध्याकाळी पाच ते सहा वाजेदरम्यान भुसावळ येथून रावेरकडे येणारी बस सुरु करण्याची मागणी शुक्रवारी प्रवाशांनी आमदार अमोल जावळे यांच्याकडे केली होती. या मागणीचीत्यांची यांनी तात्काळ दखल घेत विभाग नियंत्रकांना सूचना केल्या होत्या. त्यानुसार विभाग नियंत्रक दिलीप बंजारा यांनी भुसावळ आगार प्रमुखांना आदेश करून या मार्गावर विनाविलंब व विनासबब शटल बस सेवा सुरु करण्याचे आदेश दिले होते.

शटल बससेवेचे वेळापत्रक असे
त्यानुसार दि.२९ नोव्हेंबरपासून भुसावळ आगारानेभुसावळ-रावेर मार्गांवर शटल बससेवा सुरु करण्यात आली आहे. आमदारांनी दाखवलेल्या तत्परतेबद्दल प्रवाशांनी आमदार श्री जावळे यांचे आभार मानले आहेत. शटल बससेवेचे वेळापत्रक पुढीलप्रमाणे : भुसावळ-रावेर : सकाळी-7:15, 10:35, दुपारी-14:00 संध्याकाळी-17:30 रावेर-भुसावळ : सकाळी-8:55, दुपारी-12:15, 15:40 संध्याकाळी-19:10