
जळगाव (प्रतिनिधी) : श्री स्वामी समर्थ सेवा केंद्र दिंडोरी प्रणित, गुरुकुल कॉलनी, क्राऊन बेकरी मागे, सेट जोसेफ स्कूल जवळ एम.जे. कॉलेज रोड जळगाव येथे दरवर्षीप्रमाणे यंदाही श्री दत्तजयंती अखंड नाम-जप-यज्ञ सप्ताह २०२५ मोठ्या भक्तिभावात आणि उत्साहात आयोजित करण्यात आला आहे. या निमित्ताने विविध धार्मिक कार्यक्रम, सामूहिक गुरूचरित्र पारायण, प्रतिदिन विशेष याग, नैवेद्य आरती तसेच प्रहर सेवा यांचे आयोजन करण्यात आले आहे.
विविध कार्यक्रमांचे आयोजन
२७ नोव्हेंबरपासून सुरू झालेल्या या सप्ताहात दररोज पहाटे औदुंबर प्रदक्षिणेने कार्यक्रमांची सुरुवात होते. सकाळी अभिषेक, 8 भूपाळी आरती, 8.30 गुरूचरित्र वाचन,10.30 नैवेद्य आरती तर संध्याकाळी 6.30 नैवेद्य आरती, मार्गदर्शन आणि नित्यसेवा ध्यानाचे आयोजन केले आहे. याचबरोबर दररोजच्या कार्यक्रमानुसार मंडळ स्थापना, नित्य स्वाहाकार 29 रोजी गणेश- मनोबोध याग, दि.30 श्री स्वामी समर्थ याग, दि.1 श्री गीताई याग, दि.2 श्री चंडी याग, दि.3 श्री रुद्र – मल्हारी याग, दि.4 बली पूर्णहुती दुपारी. 12.39 वा. श्री दत्त जन्मोत्सव व नैवेद्य आरती होईल. आणि दि.5 श्री सत्यदत्त पूजन, 10.30 महानेवैद्य आरती, देवता विसर्जन अखंड नाम जप यज्ञ सप्ताह सांगता होणार आहे. याग असे विविध यज्ञही पार पडणार आहेत.
सर्व भक्तांसाठी मुक्त प्रवेश
महिला व पुरुष सेवेकरी दिवसभर व रात्री प्रहर सेवेत सहभागी होत असून सर्व भक्तांसाठी मुक्त प्रवेश ठेवण्यात आला आहे. अधिक माहितीसाठी सुनंदा चौधरी, सेजल चौधरी, भारती पाटील, मीनाताई इंगळे, ललित भारंबे, जितेंद्र फालक आदी प्रतिनिधींशी संपर्क साधावा, असे आयोजकांनी कळविले आहे. हा धार्मिक उत्सव परिसरातील श्रद्धाळूंमध्ये मोठी उत्सुकता निर्माण करत असून संपूर्ण आठवडा अध्यात्मिक वातावरणाने परिसर भारावून जाणार आहे.



