निवडणूक; जिल्ह्यात मतदान केंद्र असलेल्या शाळांना 1 व 2 डिसेंबरला सुटी जाहीर
जळगाव (प्रतिनिधी) : राज्यात नगरपरिषद व नगरपंचायत सार्वत्रिक निवडणुकींच्या पार्श्वभूमीवर जळगाव जिल्ह्यात 1 व 2 डिसेंबरला मतदान केंद्र म्हणून वापरल्या जाणाऱ्या शाळांना सुटी जाहीर करण्यात आली आहे. जळगाव जिल्ह्यातील 16 नगरपरिषद आणि 2 नगरपंचायतींत 2 डिसेंबर रोजी मतदान तर 3 डिसेंबर रोजी मतमोजणी होणार आहे.
16 नगरपरिषदांसह दोन नगरपंचायत होणार मतदान
या पार्श्वभूमीवर भुसावळ, अमळनेर, चाळीसगाव, चोपडा, जामनेर, पाचोरा, भडगाव, धरणगाव, एरंडोल, पारोळा, फैजपूर, सावदा, रावेर, यावल, वरणगाव, नशिराबाद या 16 नगरपरिषदांसह मुक्ताईनगर व शेंदुर्णी या दोन नगरपंचायत हद्दीतील मतदान केंद्र म्हणून वापरल्या जाणाऱ्या शाळांमध्ये 1 आणि 2 डिसेंबर 2025 रोजी सुटी जाहीर करण्यात आली आहे.
मतदानाच्या एक दिवस आधी म्हणजेच 1 डिसेंबर रोजी संबंधित मतदान अधिकारी , कर्मचारी मतदान केंद्रांवर पोहचणार आहेत त्यामुळे ही सुटी देण्यात आली आहे. हि सुटी राज्य निवडणूक आयोगाच्या उपसचिव यांच्या आदेशान्वेय देण्यात आली आहे. जिल्ह्यातील पालक व विद्यार्थी यांनी संबंधित शाळांच्या सुट्यांची नोंद घ्यावी, अशी माहिती प्रशासनाकडून देण्यात आली आहे.
