लायन्स क्लब जळगाव सेंट्रलतर्फे निःशुल्क डायबिटीज तपासणी शिबिर

जळगाव (प्रतिनिधी) : लायन्स क्लब जळगाव सेंट्रलच्यावतीने शहरातील भाऊंचे उद्यान, काव्यरत्नावली चौक येथे निःशुल्क डायबिटीज (मधुमेह) तपासणी शिबिर रविवार, दि. 23 नोव्हेंबर रोजी आयोजित करण्यात आले. हे शिबिर जिला प्रकल्प मिठास से सतर्कता व मधुमेह जागरूकता सप्ताह अंतर्गत राबविण्यात आले. या शिबिरात 300 पेक्षा अधिक नागरिकांची रक्तशर्करा तपासणी लायन्स सदस्यांच्या माध्यमातून करण्यात आली.

अनेक नागरिकांनी प्रथमच आपली रक्तशर्करा तपासली. त्यापैकी 10–12 जणांची रक्तशर्करा प्रमाणापेक्षा जास्त आढळून आली. या व्यक्तींना उपस्थित लायंसचे डॉ. रविंद्र भंगाले व डॉ. सागर व्यास यांनी आवश्यक वैद्यकीय मार्गदर्शन केले तसेच पुढील तपासण्या करण्याचा सल्ला दिला. शिबिरात सुगन मुनोत, सचिन राका, जयेश ललवानी, डॉ. रविंद्र भंगाले, डॉ. सागर व्यास, अजय डेढिया, किशोर बेहराणी, जीतेंद्र बोरा, आनंद श्रीश्रीमाल, निलेश संघवी, रितेश छोरिया, नितीन मंडोरा, शिव मालीवाल आदी लायन्स सदस्यांनी अपला सक्रिय सहभाग नोंदविला.

या प्रकल्पाचे प्रकल्प प्रमुख अनीश चांदीवाल व प्रकल्पाचे प्रायोजक दिनेश राका हे होते. यशस्वितेसाठी अध्यक्ष जगदीश जाखेटे, सचिव अल्पेश कोठारी तसेच कोषाध्यक्ष नरेंद्र भैया, प्रकल्प प्रमुख अनीश चांदीवाल, प्रकल्प प्रायोजक दिनेश राका यांनी परिश्रम घेतले. लायन्स क्लब जळगाव सेंट्रलतर्फे आयोजित करण्यात आलेल्या या आरोग्य-जागृती उपक्रमाचे नागरिकांनी कौतुक केले. भविष्यातही अशाच सामाजिक व आरोग्यविषयक प्रकल्पांचे आयोजन करण्याची भावना अध्यक्ष जगदीश जाखेटे यानी व्यक्त केली.