ह.भ.प.अमृत महाराज यांनी केले परमात्मा विषयी मार्गदर्शन
मेहरूण परिसरात श्री संत ज्ञानेश्वर संजीवन कीर्तन सोहळा, दुसरा दिवस
जळगाव (प्रतिनिधी) : मेहरूण परिसरातील श्री संत ज्ञानेश्वर चौकात सुरू असलेल्या श्री संत ज्ञानेश्वर संजीवन कीर्तन सोहळ्यानिमित्त दुसऱ्या दिवशी ह.भ.प अमृत महाराज गाढे बेटावदकर यांनी भाविकांना परमात्मा विषयी मार्गदर्शन केले.
परमात्मा एक आहे कारण तो सुरुवात, मध्य आणि अंत या सर्व काळांमध्ये अस्तित्वात आहे. या विचारांनुसार, आत्मा हा परमात्म्याचाच एक भाग आहे आणि खरी प्रगती ही आत्मिक उन्नतीमध्ये आहे. जगातील सर्व गोष्टी या क्षणभंगुर असल्या तरी, परमात्मा हाच या सर्वांचा आधार आणि सत्य आहे, असे सांगत ह.भ.प.अमृत महाराज यांनी अध्यात्मिक किर्तन केले.
बुधवारी हभप नारायण महाराज, निंभोरा यांचे कीर्तन
कीर्तनाला साथ संगतीसाठी हभप अविनाश महाराज, जामनेरकर, गायनाचार्य – ह भ प कैलास महाराज, ह भ प ज्ञानेश्वर महाराज राजूरकर, ह भ प विशाल महाराज चिलगावकर यांची सहकार्य लाभले. बुधवार रोजी ह भ प नारायण महाराज निंभोरा यांचे दणदणीत विनोद सम्राट कीर्तन होणार आहे. या कीर्तनाचा सर्व नागरिकांनी लाभ घ्यावा, असे आवाहन माजी नगरसेवक प्रशांत नाईक यांनी केले आहे.
