जळगाव (प्रतिनिधी) : येथील रोटरी क्लब जळगाव इलाईट तर्फे गणपती नगरातील रोटरी हॉल येथे वन अभ्यासक अभय उजागरे यांच्या भारताचा वन्य वारसा या विषयावर व्याख्यानाचे आयोजन करण्यात आले होते.
यावेळी व्यासपीठावर अध्यक्ष संदीप झंवर, मानद सचिव हरगोविंद मणियार यांची प्रमुख उपस्थिती होती. उजागरे यांनी व्याख्यानात भारतातल्या विविध प्रांतातील प्राणी जगताची सविस्तर माहिती दिली. त्यांचा परिचय एम.बी. झंवर यांनी तर आभार संजय तपारिया यांनी मानले. कार्यक्रमास रोटरी इलाईटच्या ४० सदस्यांची उपस्थिती होती.
