राष्ट्रीय एकता परेडसाठी पोलीस कॉन्स्टेबल सागर सोनार यांची निवड
31 ऑक्टोबर रोजी महाराष्ट्र पोलीस दलाचे करणार प्रतिनिधित्व
जळगाव (प्रतिनिधी) : सरदार वल्लभभाई पटेल यांच्या 150 व्या जयंतीनिमित्त 31 ऑक्टोबर 2025 रोजी केवडीया गुजरात [स्टॅच्यु ऑफ युनिटी] येथे राष्ट्रीय एकता दिवस परेडचे आयोजन करण्यात आले आहे. या परेडसाठी जळगाव जिल्हा पोलीस दलातील पोलीस मुख्यालय जळगाव येथे नेमणुकीस असलेले पोलीस अंमलदार सागर अशोक सोनार यांची महाराष्ट्र पोलीस वाद्यवृंद पथकात निवड झाली असून ते महाराष्ट्र पोलीस दलाचे प्रतिनिधित्व करणार आहे.
या परेडसाठी देशभरातुन विविध निमलष्करी दले तसेच विविध राज्यातील पोलीस दले सहभागी होणार आहेत. या परेडचे प्रमुख अतिथी पंतप्रधान नरेंद्र मोदी असणार आहेत. या परेड करीता जळगांव जिल्हा पोलीस दलातील पोलीस मुख्यालय जळगांव येथे नेमणुकीस असलेले पोलीस अंमलदार सागर सोनार यांची पथकात निवड झाली आहे.
सागर सोनार हे 2014 च्या बॅचचे पोलीस कॉन्स्टेबल असुन त्यांनी अनेक राष्ट्रीय स्पर्धा रायफल शुटींग स्पर्धेत महाराष्ट्र पोलीस संघाचे प्रतिनिधीत्व केले आहे व काही रायफल शुटिंग स्पर्धांमध्ये जळगांव पोलीस संघाकरीता पदके देखिल प्राप्त केले आहेत. या परेडमध्ये निवडीसाठी त्यांना यांना जळगांव जिल्हा पोलीस अधिक्षक डॉ. महेश्वर रेड्डी, अपर पोलीस अधिक्षक अशोक नकाते, पोलीस उप अधिक्षक (गृह) श्री. आव्हाड, राखीव पोलीस निरीक्षक प्रशांत सुगरवार, राखीव पोलीस उपनिरीक्षक सचिन चिवंडे तसेच जळगांव जिल्हा वाद्यवृंद पथक प्रमुख सलीम खान यांचे मार्गदर्शन लाभले.
