नेहरू नगरातून हद्दपार आरोपीसह दोघे साथीदार ताब्यात!
गावठी कट्टा, जीवंत काडतुस व धारदार कोयता जप्त; एमआयडीसी पोलिस स्टेशनच्या पथकाची कारवाई
जळगाव (प्रतिनिधी) : हद्दपार आरोपीसह त्याच्या दोघा साथीदारांना पोलिसांनी नेहरू नगरातून सापळा रचून अटक केली. त्यांच्याकडून गावठी कट्टा, जीवंत काडतुस व धारदार कोयता असे हत्यार ताब्यात घेतले आहे. ही कारवाई एमआयडीसी पोलिस स्टेशनचे पोलिस निरीक्षक बबन आव्हाड यांच्या गुन्हे शोध पथकाने केली आहे.
पोलिसांनी दिलेल्या माहितीनुसार, तेजस दिलीप सोनवणे (वय २५, रा. कांचन नगर, जळगाव) यास जळगाव जिल्ह्यातून दोन वर्षासाठी हद्दपार करण्यात आले आहे. तरीदेखील तो हद्दपारीच्या आदेशाचे उल्लंघन करुन जळगाव शहरातील नेहरु नगर परिसरात फिरत असल्याची माहिती पोलिसांनी मिळाली. त्यानुसार संदीपनी बॉईज हॉस्टेल परिसरात पथकाने सापळा रचून तेजससह खुशाल पितांबर सोनार (वय २१ रा. पार्वताबाई ओकनगर, कांचन नगर) व चेतन पितांबर सोनार (वय २३, रा पार्वताबाई ओकनगर, कांचन नगर) यांना अटक केली.
तिघांना ३ दिवसाची पोलीस कस्टडी
खुशाल सोनार याच्या कब्जातून गावठी कट्टा आणि जिवंत काडतुस हस्तगत करण्यात आले आहे. तसेच चेतन सोनार याच्या कब्जातून धारदार पाते असलेला कोयता हस्तगत करण्यात आले असून त्याच्याविरुद्ध एमआयडीसी पोलिस स्टेशनचे गुन्हे दाखल आहे. तिघ संशयित आरोपीतांना न्यायालयात हजर केला असता त्यांना ३ दिवसाची पोलीस कस्टडी देण्यात आली आहे. गुन्हाचा तपास पोउनि राहुल तायडे करीत व पोकों चेतन पाटील करत आहे.
यांनी केली कारवाई
ही कारवाई पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, उपविभागीय पोलीस अधिकारी नितीन गणापुरे व एमआयडीसी पोलिस स्टेशनचे पोलिस निरीक्षक बबन आव्हाड यांच्या मार्गदर्शनाखाली करण्यात आली. या कारवाईत पोलिस उप निरीक्षक राहुल तायडे, सहायक फौजदार विजयसिंग पाटील, हे.कॉ. गणेश शिरसाळे, प्रमोद लाडवंजारी, किरण चौधरी, पो.कॉ. गणेश ठाकरे, पोकॉ किरण पाटील, नितीन ठाकुर, पोकॉ राहुल घेटे, पोकॉं योगेश घुगे आदींनी सहभाग घेतला.
