अभिवादनआरोग्यजळगावताज्या बातम्याधार्मिकमहाराष्ट्रयोजनाराजकारणराष्ट्रीय-राज्यसामाजिक

मंत्री गिरीश महाजन यांनी आदिवासी बांधवांसोबत साजरी केली दिवाळी

जळगाव (प्रतिनिधी) : राज्याचे जलसंपदा व आपत्ती व्यवस्थापन मंत्री नामदार गिरीश महाजन यांनी यंदा दिवाळीचा उत्सव एक वेगळ्या आणि भावनिक पद्धतीने साजरा केला. त्यांनी यावल तालुक्यातील बारी पाडा या दुर्गम आदिवासी वस्तीवर जाऊन तेथील बांधवांसोबत दिवाळीचा आनंद वाटला. मंत्री गिरीश महाजन यांच्या उपस्थितीने आदिवासी बांधवांच्या चेहऱ्यावर आनंद फुलवला.

या भेटीदरम्यान गिरीश महाजन यांनी आदिवासी बांधवांच्या घरात जाऊन त्यांच्या हातची पारंपरिक ठेचा-भाकर चा अस्सल स्वाद घेतला. ग्रामीण चुलीवर शिजवलेली भाकर आणि ठेचा खाताना त्यांनी आदिवासी संस्कृतीशी एकरूप होऊन “ही खरी आपुलकीची दिवाळी आहे” असे मनापासून म्हटले. या दृश्याने संपूर्ण वस्ती आनंदात न्हाऊन निघाली. यावेळी नामदार गिरीश महाजन यांनी बारी पाडा आणि लगतच्या गावांना दत्तक घेतल्याची घोषणा केली तसेच या गावांमध्ये केंद्र व राज्य शासनाच्या सर्व योजनांची अंमलबजावणी प्राधान्याने राबवण्याचे आश्वासन दिले.

विविध योजनांमुळे ग्रामीण आणि आदिवासी भागात विकासाची गंगा वाहू लागली
“पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वाखाली केंद्र आणि राज्य सरकार समाजाच्या शेवटच्या घटकापर्यंत विकासाचा किरण पोहोचवत आहे. दिवाळीचा खरा अर्थ म्हणजे प्रत्येक घरात प्रकाश पोहोचवणे आणि आम्ही तेच करत आहोत.”, असे गिरीश महाजन यांनी सांगितले. या निमित्ताने गिरीशभाऊंनी प्रधानमंत्री आवास योजना, उज्ज्वला योजना, जल जीवन मिशन, तसेच राज्यातील मुख्यमंत्री सौर कृषि योजना, जलयुक्त शिवार अभियान आणि गृहनिर्माण व सामाजिक कल्याण योजना यांचा उल्लेख करत सांगितले की या योजनांमुळे ग्रामीण आणि आदिवासी भागात विकासाची गंगा वाहू लागली आहे.

यांची होती उपस्थिती
या कार्यक्रमावेळी आमदार अमोल जावळे, माजी नगराध्यक्षा साधनाताई महाजन, आमदार अमोल जावळे, डॉ. केतकी पाटील, नंदू महाजन, डॉ. फेगडे, हिरालाल चौधरी, विलास चौधरी, अरविंद देशमुख, उमेश फेगडे, सागर कोळी, अतुल भालेराव, रवींद्र सूर्यभान पाटील, उज्जैन सिंग राजपूत तसेच अनेक पदाधिकारी आणि कार्यकर्ते उपस्थित होते.

Related Articles

Leave a Reply

Your email address will not be published. Required fields are marked *

Back to top button