मनपाच्या चौबे शाळेत ‘विकसित भारत’ चित्रकला व निबंध स्पर्धा

जळगाव (प्रतिनिधी) : भारतीय जनता पार्टी जळगाव जिल्हा महानगर व जळगाव शहर महापालिका शिक्षण विभागाच्या वतीने शहरातील मनपा शाळा क्र.२ चौबे शाळेत चित्रकला व निबंध स्पर्धेचे आयोजन करण्यात आले होते. या स्पर्धेमध्ये शाळेतील सर्व विद्यार्थ्यांनी सहभाग घेत उत्कृष्ट चित्रकला सादर केली.

प्रधानमंत्री नरेंद्र मोदी यांच्या ७५ व्या जन्मदिनाच्या निमित्ताने सेवा पंधरवडा अभियान राबविण्यात येत असून या अभियाना अंतर्गत विकसित भारत चित्रकला स्पर्धेचं आयोजन करण्यात आले होते. याप्रसंगी महानगर सरचिटणीस राहुल वाघ, सेवा पंधरवडा अभियान संयोजक विजय वानखेडे, चित्रकला व निबंध स्पर्धा संयोजक शिरीषकुमार तायडे, दीपक परदेशी, पितांबर भावसार, मनपा उपायुक्त पंकज गोसावी, भूषण लाडवंजारी, मयूर भदाणे यांच्यासह शिक्षक व विद्यार्थी उपस्थित होते