जिल्हा परिषदेच्या पदभरतीसंदर्भात समुपदेशन कार्यक्रमात चौघांना पदोन्नती
प्रतीक्षा यादीतील ५ जणांची कंत्राटी ग्रामसेवक पदावर नियुक्ती
जळगाव (प्रतिनिधी) : जिल्हा परिषद जळगाव अंतर्गत ग्रामपंचायत विभागातील पदभरतीसंदर्भात मंगळवारी समुपदेशन १कार्यक्रम घेण्यात आला. या अंतर्गत ग्रामविकास अधिकारी ते विस्तार अधिकारी या श्रेणीतील ४ जणांची पदोन्नती करण्यात आली तसेच प्रतीक्षा यादीतील ५ जणांची कंत्राटी ग्रामसेवक पदावर नियुक्ती देण्यात आली.
हा समुपदेशन कार्यक्रम जिल्हा परिषदेच्या मुख्य कार्यकारी अधिकारी मिनल करनवाल यांच्या प्रमुख उपस्थितीत पार पडला. यावेळी उप मुख्य कार्यकारी अधिकारी (सामान्य प्रशासन विभाग) चंद्रशेखर जगताप तसेच ग्रामपंचायत विभागाचे उप मुख्य कार्यकारी अधिकारी बी. यू. आकलाडे उपस्थित होते.
या नियुक्त्यांमुळे ग्रामपंचायत विभागातील प्रशासनिक कामकाज अधिक परिणामकारकरीत्या पार पडणार असून ग्रामीण विकासाच्या उपक्रमांना गती मिळणार आहे.
