कारपेंटर बांधवांना ३५ ड्रिल व कटर मशीनचे वाटप
विश्वकर्मा युवाशक्ती प्रतिष्ठानचा उपक्रम
जळगाव (प्रतिनिधी) : विश्वकर्मा युवाशक्ती प्रतिष्ठानतर्फे कारपेंटर बांधवांसाठी लकी ड्रॉच्या माध्यमातून ३५ ड्रिल व कटर मशीनचे वाटप करण्यात आले. कार्यक्रमाची सुरुवात प्रभू श्री विश्वकर्मा भगवान यांच्या प्रतिमेच्या पूजनाने झाली. ज्येष्ठ समाजसेवक एम. टी. लुले, गोपाल देवरे, हरी लोहार, मराठी प्रतिष्ठानचे अध्यक्ष ॲड. जमील देशपांडे, विद्यानंद मानकर बाळासाहेब पांचाळ यांच्यासह मान्यवरांच्या हस्ते प्रतिष्ठानचे उद्घाटन झाले.
लकी ड्रॉचा आनंद..
लहान चिमुकल्याने पहिली पावती काढताच कार्यक्रमात आनंदाचे वातावरण निर्माण झाले. कटर मशीनचे बक्षीस जाहीर होताच उपस्थितांनी टाळ्यांच्या गजरात स्वागत केले. कारपेंटर बांधवांनी प्रतिष्ठानचे अध्यक्ष राजेंद्र निकम यांच्या कार्याचे कौतुक केले.
सहकार्याची ग्वाही
यावेळी ॲड. जमील देशपांडे यांनी, “मी सर्वतोपरी मदत करण्यास तयार आहे,” असे आश्वासन देत समाज एकत्रित राहण्याचे आवाहन केले. संघटनेचे अध्यक्ष राजेंद्र निकम यांनी प्रास्ताविकात सांगितले की, समाजाला संबोधित करतेवेळी संघटनेचे उद्दिष्ट सांगितले, विश्वकर्मा युवाशक्ती प्रतिष्ठान ही संघटना समाज बांधव यांच्याकडून आर्थिक मदत घेणार नाही, तसेच ही संघटना राजकीय पक्षासाठी काम करेल, असेही ते म्हणाले.
