संविधान पाठांतर स्पर्धेत बेंडाळे महाविद्यालयाची विद्यार्थिनी कावेरी नेरकर प्रथम व आलिया रंगरेझ द्वितीय
जळगाव (प्रतिनिधी) : स्वातंत्र्य दिनानिमित्त आयोजित संविधान पाठांतर स्पर्धेत डॉ.अण्णासाहेब जी. डी .बेंडाळे महिला महाविद्यालय(स्वायत्त), जळगावच्या विद्यार्थिनींनी अंतर महाविद्यालयीन गटात प्रथम व द्वितीय क्रमांक प्राप्त केला. यामध्ये कावेरी सुनील नेरकर (राज्यशास्त्र विभाग) हिने प्रथम पारितोषिक (प्रमाणपत्र, रुपये ५००/- रोख आणि सन्मान चिन्ह) तसेच द्वितीय आलिया बी अमजद रंगरेझ (राज्यशास्त्र विभाग) हिने (प्रमाणपत्र व सन्मान चिन्ह) प्राप्त केले.
स्वातंत्र्य दिनानिमित्त आप्पासाहेब विश्वासराव भालेराव प्रतिष्ठान, जळगाव आणि नूतन मराठा महाविद्यालय, जळगाव यांच्या संयुक्त विद्यमाने नूतन मराठा महाविद्यालयात का.राजेंद्र भालेराव स्मृती संविधान जागर करंडक-संविधान पाठांतर स्पर्धा ‘मूलभूत अधिकार’ या विषयावर आयोजित करण्यात आली होती.
या विद्यार्थिनींना राज्यशास्र विभागाचे शांताराम तायडे यांचे मार्गदर्शन लाभले. स्पर्धेत मिळवलेल्या यशाबद्दल दोन्ही पारितोषिक प्राप्त विद्यार्थिनींचे महाविद्यालयाचे प्राचार्य प्रा.व्ही.जे.पाटील, उपप्राचार्य डॉ.पी.एन.तायडे व उपप्राचार्य डॉ.सत्यजित साळवे यांनी अभिनंदन व कौतुक केले
