ऐनपूर, ता. रावेर (प्रतिनिधी) : ऐनपूर परिसर शिक्षण प्रसारक मंडळ संचलित सरदार वल्लभभाई पटेल पूर्व प्राथमिक व प्राथमिक विद्यामंदिरात गुरुवार, १४ ऑगस्ट रोजी श्रीकृष्ण जन्माष्टमीनिमित्त “दहीहंडी उत्सव २०२५” साजरा करण्यात आला. प्रारंभी मान्यवरांनी श्रीकृष्ण प्रतिमेस माल्यार्पण करून करून श्रीफळ फोडून कार्यक्रमाचे उद्घाटन केले.
याप्रसंगी शाळेचे संचालक एन.व्ही.पाटील, व्यवस्थापक आर.टी.महाजन, मुख्याध्यापक अक्षय पाटील व उपस्थित पालकवर्ग उपस्थित होते. याप्रसंगी विद्यार्थ्यांनी नृत्य सादर केले व त्यानंतर गोविंदानी दहीहंडी फोडून मनसोक्तपणे आनंद लुटला. यशस्वीतेसाठी शाळेतील शिक्षक बंधुभगिनी तसेच शिक्षकेतर कर्मचाऱ्यांनी परिश्रम घेतले. शाळेतील सर्व विद्यार्थी, विद्यार्थीनी मोठ्या संख्येने कार्यक्रमास उपस्थित होते.
