स्वामी इंग्लिश मीडियम स्कूल रावेर येथे क्रीडा महोत्सव उत्साहात
रावेर (प्रतिनिधी): स्वामी इंग्लिश मीडियम स्कूल रावेर येथे आज वार्षिक स्पोर्ट डे (क्रीडा महोत्सव) मोठ्या उत्साहात आणि आनंदी वातावरणात संपन्न झाला. या कार्यक्रमाला संस्थेचे संचालक पुष्पक पवार यांची विशेष उपस्थिती लाभली. तसेच प्राचार्य रातिष मोन आणि उपमुख्याध्यापिका अनिता पाटील कार्यक्रमाला उपस्थित होते.
कार्यक्रमाची सुरुवात उत्साहपूर्ण वातावरणात करण्यात आली. नर्सरी, एल.के.जी., यु.के.जी., इयत्ता पहिली व दुसरीच्या विद्यार्थ्यांनी विविध आकर्षक खेळांचे सादरीकरण केले. लहानग्या विद्यार्थ्यांसाठी Obstacle Race, Zigzag Race, Run and Clap Race, Penguin Walk, तसेच विविध मजेदार शारीरिक कौशल्यांच्या स्पर्धांचे आयोजन करण्यात आले होते.
छोट्या मुलांनी रंगीबेरंगी वेशभूषेत आणि आनंदी चेहऱ्यांनी खेळांमध्ये सहभाग घेत प्रेक्षकांची मने जिंकली. त्यांच्या खेळातील उत्साह, आत्मविश्वास आणि निरागसता पाहून उपस्थित पालक व मान्यवर भारावून गेले.
या क्रीडा महोत्सवाच्या यशस्वी आयोजनासाठी सर्व शिक्षकवृंदांनी विशेष परिश्रम घेतले. शिक्षकांचे मार्गदर्शन आणि विद्यार्थ्यांचे सहकार्य यामुळे कार्यक्रम अतिशय शिस्तबद्ध आणि आनंददायी वातावरणात पार पडला.
शेवटी मान्यवरांनी विद्यार्थ्यांचे कौतुक करून त्यांच्या उज्ज्वल भविष्यासाठी शुभेच्छा दिल्या. अशा प्रकारे स्वामी इंग्लिश मीडियम स्कूलचा क्रीडा महोत्सव उत्साह, शिस्त आणि आनंदाच्या वातावरणात यशस्वीरीत्या संपन्न झाला.
